Ein Dull Newydd o Ymdrin ag Ymddygiad a Lles

Yn ein hysgol, rydym wedi cyflwyno Polisi Perthnasoedd a Hunanreoleiddio newydd, gan ddisodli ein Polisi Ymddygiad a Disgyblaeth blaenorol. Mae hyn yn adlewyrchu ein hymrwymiad i fenter ar draws y sir gyfan sy’n canolbwyntio ar gryfhau arferion perthynol mewn ysgolion.

Mae ein dull yn rhoi perthnasoedd wrth galon popeth a wnawn. Credwn fod plant yn ffynnu pan fyddant yn teimlo’n ddiogel, yn cael eu gwerthfawrogi, ac yn cael eu deall. Drwy feithrin cysylltiadau cryf a pharchus rhwng staff a disgyblion, rydym yn creu amgylchedd dysgu cadarnhaol a chefnogol i bawb.

Mae’r polisi hefyd yn cefnogi disgyblion i ddatblygu sgiliau hunanreoleiddio, gan eu helpu i adnabod, deall, a rheoli eu hemosiynau a’u hymddygiad. Yn hytrach na dibynnu ar sancsiynau traddodiadol, rydym yn canolbwyntio ar arwain disgyblion i fyfyrio, atgyweirio perthnasoedd, a gwneud dewisiadau cadarnhaol.

Trwy’r dull hwn, ein nod yw magu dysgwyr hyderus a gwydn sy’n barod i lwyddo yn yr ysgol ac y tu hwnt.